1 րոպեի ընթերցում
Ծիծեռնակաբերդի հուշահամալիրն ու թանգարանը այցելուների համար այս ընթացքում չեն փակվել, իսկ մեկնարկած վերանորոգումը կավարտվի նախանշված ժամկետում։
«Արմենպրես»-ի հաղորդմամբ՝ այս մասին հունվարի 7-ի ասուլիսին ասաց ՀՀ կրթության, գիտության, մշակույթի և սպորտի նախարար Ժաննա Անդրեասյանը։
«Հուշահամալիրը և թանգարանը բաց են և չեն փակվելու որևէ օր, որևէ ժամ, այդ թվում՝ ապրիլի 24-ին»,-հավաստիացրեց նախարարը։
Անդրեասյանը մանրամասնեց, որ ներկայում մեկնարկել է Ծիծեռնակաբերդի 3 մույթերի սալերի տեղադրումը և մասնագիտական հանրույթի հետ համագործակցությամբ բոլոր անհրաժեշտ աշխատանքներն իրականացվում են պատշաճ որակով։
«Որևէ մտահոգություն մեր քաղաքացիները կարող են չունենալ․ ովքեր ուզում են այցելել՝ հուշարձանն այսօր էլ բաց է, իսկ ապրիլի 24-ին աշխատանքներն ավարտված կլինեն»,-եզրափակեց ԿԳՄՍ նախարարը։