Հայ-ամերիկյան հարաբերությունները 2025-ին գրանցել են ՀՀ անկախացումից ի վեր ամենամեծ առաջընթացը․ ԱՄՆ դեսպանի շնորհավորանքը
1 րոպեի ընթերցում
Հայաստանի և Ամերիկայի Միացյալ Նահանգների հարաբերությունները 2025 թվականին գրանցել են ՀՀ անկախացումից ի վեր ամենամեծ առաջընթացը: «Արմենպրես»-ի փոխանցմամբ՝ այս մասին Ամանորի ուղերձում նշել է Հայաստանում ԱՄՆ դեսպան Քրիստինա Քվինը:
«Մեր հարաբերությունները հասել են ռազմավարական գործընկերության մակարդակի: Նախագահ Թրամփի հետ Սպիտակ տանը կայացած պատմական հանդիպման ընթացքում նախանշվեց մեր համագործակցության շրջանակային տիրույթը,որը տասնամյակներ շարունակ ուղենիշ կլինի մեր ընթացքի համար»,- ասված է ուղերձում:
Քրիստինա Քվինն ընդգծել է, որ Հայաստանն ու Միացյալ Նահանգները միասին աշխատում են տարածաշրջանում խաղաղության հաստատման շուրջ:
«Մեկնարկում ենք նաև նոր հայ-ամերիկյան նախաձեռնություններ տեխնոլոգիաների, էներգետիկայի, կապուղիների և անվտանգության ասպարեզներում, որոնք կնպաստեն բարգավաճմանն ու կայունությանը»,- նշել է Քվինը:
Դիվանագետը ԱՄՆ դեսպանության բոլոր աշխատակիցների անունից շնորհակալություն է հայտնել բարեկամության և գործընկերության համար։
«Ձեզ և ձեր ընտանիքներին մաղթում եմ ամենայն բարիք: Թող գալիք տարին լինի խաղաղության և ուրախության տարի։ Շնորհավոր Նոր տարի և Սուրբ Ծնունդ»,- նշված է ուղերձում: