Ուժեղ քամու հետևանքով որոշ բնակավայրերում տեղի են ունեցել հոսանքազրկումներ. ՀԷՑ-ն աշխատում է էլեկտրաէներգիայի մատակարարման վերականգման ուղղությամբ
1 րոպեի ընթերցում
Եղանակային անբարենպաստ պայմանների՝ ուժեղ քամիների հետևանքով ժամը 03:00-ից սկսված Հանրապետության Արագածոտնի, Գեղարքունիքի, Լոռու, Արմավիրի մարզերում, Կոտայքի, ինչպես նաև Երևան քաղաքի որոշ հասցեներում տեղի են ունեցել հոսանքազրկումներ, որոնք հիմնականում պայմանավորված են եղել օդային գծերում հենասյուների վնասմամբ։ «Արմենպրես»-ի հաղորդմամբ՝ այս մասին հայտնում են «Հայաստանի էլեկտրական ցանցեր» ընկերությունից։
«ՀԷՑ-ի օպերատիվ վերանորոգող անձնակազմը ողջ կարողությամբ և ամբողջական ներգրավվածությամբ աշխատում է հետևանքների արագ վերացման և հոսանքազրկված տարածքներում էլեկտրաէներգիայի մատակարարման վերականգման ուղղությամբ», - ասվում է ՀԷՑ հաղորդագրության մեջ։