Համոզված եմ՝ 2026թ․ խորհրդարանական ընտրություններում ժողովուրդը ջախջախիչ հաղթանակ կտանի․ Փաշինյան
1 րոպեի ընթերցում
Հայաստանի Հանրապետության վարչապետ Նիկոլ Փաշինյանը համոզված է, որ 2026 թվականի խորհրդարանական հերթական ընտրություններում Հայաստանի ժողովուրդը ջախջախիչ հաղթանակ է տոնելու:
«Արմենպրես»-ի փոխանցմամբ՝ այս մասին Փաշինյանն ասաց լրագրողների հետ ճեպազրույցում:
«Ես երբեք և ոչ մի ընտրություններում այլ նպատակ չեմ ունեցել և չեմ հետապնդել, ընդ որում, կապ չունի՝ ես վարչապետ եմ եղել, պատգամավոր, թե ուղղակի ընդդիմադիր քաղաքական գործունեություն ծավալող անձ, այդ սկզբունքը շարունակելու է գոյություն ունենալ և ես համոզված եմ, որ 2026թ․ խորհրդարանական հերթական ընտրությունների արդյունքներով Հայաստանի Հանրապետության ժողովուրդը ջախջախիչ հաղթանակ կտանի»,- ասաց վարչապետը:
Խորհրդարանական հերթական ընտրությունները ՀՀ-ում տեղի կունենան 2026 թվականի հունիսին: