ԱԷՄԳ-ն բանաձև է ընդունել՝ Իրանից պահանջելով պատասխաններ և միջուկային օբյեկտների հասանելիություն. Reuters
1 րոպեի ընթերցում
Ատոմային էներգիայի միջազգային գործակալության (ԱԷՄԳ)՝ 35 երկրներից բաղկացած կառավարիչների խորհուրդը բանաձև է ընդունել, որով Իրանը պետք է «անհապաղ» տեղեկացնի վերահսկող մարմնին իր հարստացված ուրանի պաշարների և ռմբակոծված ատոմային օբյեկտների կարգավիճակի մասին: «Արմենպրես»-ի փոխանցմամբ՝ այս մասին հաղորդում է Reuters գործակալությունը՝ վկայակոչելով փակ դռների հետևում կայացած հանդիպմանը ներկա դիվանագետներին։
Բանաձևի նպատակն է թարմացնել և ճշգրտել ԱԷՄԳ-ի մանդատը Իրանի միջուկային ծրագրի ասպեկտների վերաբերյալ զեկույցներ ներկայացնելու համար, սակայն բանաձևում նաև նշվում է, որ Իրանը պետք է արագ ԱԷՄԳ-ին տրամադրի պատասխաններ և միջուկային օբյեկտների հասանելիություն:
Հունիսին Իսրայելի սանձազերծած 12-օրյա պատերազմի ավարտին ԱՄՆ-ն ռմբակոծեց Իրանի երեք խոշոր միջուկային օբյեկտները՝ հայտարարելով, որ հարվածների արդյունքում ոչնչացրել է Իրանի միջուկային ծրագիրը։