Գրիգորյանն ու Լավանդոսը քննարկել են անվտանգության ոլորտում Հայաստան-Լիբանան համագործակցության հեռանկարները

ՀՀ ԱԽ քարտուղար Արմեն Գրիգորյանը հանդիպել է Լիբանանի պետական անվտանգության գլխավոր տնօրեն Էդգար Լավանդոսի հետ:

«Արմենպրես»-ի փոխանցմամբ՝ այս մասին հայտնում են ՀՀ անվտանգության խորհրդի գրասենյակից:

Զրուցակիցներն ընդգծել են Հայաստանի և Լիբանանի միջև առկա ավանդական բարեկամական կապերը ու դրան համահունչ երկկողմ հարաբերությունների բազմաոլորտ զարգացման կարևորությունը:

Հանդիպմանը քննարկվել է Մերձավոր արևելքում տիրող անվտանգային իրավիճակը, ինչպես նաև անվտանգության ոլորտում Հայաստան-Լիբանան համագործակցության հեռանկարները: