1 րոպեի ընթերցում
Աֆղանստանի ու Պակիստանի պատվիրակությունները ճգնաժամային բանակցությունների երկրորդ փուլը կանցկացնեն Ստամբուլում։ «Արմենպրես»-ի փոխանցմամբ՝ այս մասին հայտնում է ABC news-ը՝ հղում անելով երկու երկրի պաշտոնյաներին։
Աֆղանստանն ու Պակիստանը փոխադարձաբար իրար մեղադրում են սահմանային լարվածության համար, ինչի հետևանքով տասնյակ անձինք են սպանվում և վիրավորվում։ Պաշտոնական Իսլամաբադը նշում է, որ Քաբուլը աչք է փակում զինված խմբավորումների վրա, որոնք հատում են սահմանը և հարձակումներ գործում, Աֆղանստանը հերքում է այդ մեղադրանքները։
Երկրների միջև վեճը լուծելու համար միջնորդության պատրաստակամություն են հայտնել Քաթարն ու Թուրքիան։