1 րոպեի ընթերցում
Հայաստանի ազգային ժողովի պատգամավոր Պետրոս Մեղրյանը երդմամբ ստանձնեց պատգամավորական մանդատը:
«Արմենպրես»-ի փոխանցմամբ՝ ՀՀ ԱԺ նախագահի տեղակալ Ռուբեն Ռուբինյանը հայտարարեց, որ Կենտրոնական ընտրական հանձնաժողովը ներկայացրել է ԱԺ պատգամավոր ընտրված և լիազորությունները վաղաժամկետ դադարած պատգամավորի մանդատը հաջորդ թեկնածուին տրամադրելու մասին համապատասխան արձանագրություն, ըստ որի մանդատը տրվում է «Հայաստան» դաշինքի ընտրական ցուցակի առաջին մասի հերթական հաջորդ թեկնածու Պետրոս Մեղրյանին։
Պետրոս Մեղրյանը փոխարինել է Արեգնազ Մանուկյանին, որը վայր էր դրել պատգամավորական մանդատը։