1 րոպեի ընթերցում
Ավստրալիայի Սիդնեյ քաղաքում հոկտեմբերի 5-ին տեղի ունեցած հրաձգության հետևանքով տուժածների թիվը հասել է 20-ի: Ինչպես հաղղորդում է «Արմենպրես»-ը, այս մասին ասվում է Նոր Հարավային Ուելսի նահանգի ոստիկանության հաղորդագրության մեջ։
Մեկ տղամարդ հրաձգային վիրավորում է ստացել և հոսպիտալացվել ծանր վիճակում, երեքը թեթև վնասվածքներ են ստացել, ևս 16 մարդու բուժօգնություն է ցուցաբերվել դեպքի վայրում։
«Ոստիկանների շրջանում տուժածների մասին տեղեկություններ չկան», - ասվում է հայտարարության մեջ։
Ինչպես հաղորդում է Reuters-ը, հրաձգության հեղինակը 60-ամյա տղամարդ է, որին հաջողվել է ձերբակալել։ Նա շուրջ 50 անկանոն կրակոց է արձակել։
Ոստիկանությունը պարզում է տղամարդու կողմից նման վարքի շարժառիթները։