Մոսկվայի The Carlton հյուրանոցում ՀՀ վարչապետի կեցության ծախսերը հոգացել է հյուրընկալող կողմը
1 րոպեի ընթերցում
Հայաստանի վարչապետ Նիկոլ Փաշինյանի՝ Մոսկվայի The Carlton հյուրանոցում կեցության ծախսերը հոգացել է հյուրընկալող կողմը։
«Արմենպրես»-ին այս մասին հայտնեցին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից։
«Ի պատասխան որոշ ԶԼՄ-ներում հրապարակված տեղեկությունների՝ պարզաբանում ենք, որ Մոսկվայում ՀՀ վարչապետի՝ The Carlton հյուրանոցում կեցության ծախսերը հոգացել է հյուրընկալող կողմը։ ՀՀ պետական բյուջեից որևէ գումար այդ նպատակով չի ծախսվել։ Հորդորում ենք մեր գործընկերներին՝ մինչև որևէ տեղեկություն հրապարակելը այն նախապես պատշաճ ձեւով ճշտել ՀՀ վարչապետի աշխատակազմից»,- ասված է պարզաբանման մեջ։
Հիշեցնենք, որ ՀՀ վարչապետ Նիկոլ Փաշինյանն օրերս Մոսկվայում մասնակցել էր Գլոբալ ատոմային ֆորումին։