366.85
ՀՀ ֆինանսների նախարարն ընդունել է Արժույթի միջազգային հիմնադրամի հայաստանյան առաքելության ղեկավարին
1 րոպեի ընթերցում
Հայաստանի ֆինանսների նախարար Վահե Հովհաննիսյանն ընդունել է Արժույթի միջազգային հիմնադրամի հայաստանյան առաքելության ղեկավար Ալեքսանդր Ֆերենց Թիմանի գլխավորած պատվիրակությանը:
Ինչպես «Արմենպրես»-ը տեղեկանում է Ֆինանսների նախարարության տարածած հաղորդագրությունից, հանդիպման շրջանակներում կողմերն անդրադարձել են Հայաստանի Հանրապետության և Արժույթի միջազգային հիմնադրամի միջև Տնտեսական և ֆինանսական քաղաքականության հուշագրի 5-րդ վերանայման ուղղություններին և նոր՝ 6-րդ վերանայման նախագծին, ինչպես նաև ԱՄՀ աջակցությամբ իրականացվող պահուստային ծրագրի կատարման ընթացքին:
ՎԱՀԵ Հովհաննիսյանը ներկայացրել է ՀՀ հանրային ֆինանսների կառավարման ոլորտում իրականացված բարեփոխումները՝ ուղղված բյուջետային գործընթացների հստակեցմանը, ներդրումների արդյունավետության բարձրացմանը, հարկային քաղաքականության հիմնական ուղղություններին և ֆինանսական ռիսկերի նվազեցմանը։
Հանդիպման ավարտին կողմերը կարևորել են շարունակական և արդյունավետ երկխոսության պահպանումը՝ որպես կայուն և կառուցողական համագործակցության ամրապնդման նախադրյալ:
Բաժանորդագրվեք մեր ալիքին Telegram-ում