Հայտնի է «Քաղաքացիական պայմանագիր» կուսակցության քաղաքական հերթական համաժողովի օրը

Կարեն Դեմիրճյանի անվան մարզահամերգային համալիրում 2025 թվականի սեպտեմբերի 20-ին, ժամը 10։00-ին, տեղի կունենա Հայաստանում իշխող «Քաղաքացիական պայմանագիր» կուսակցության հերթական համաժողովը: 

«Արմենպրես»-ի փոխանցմամբ՝ այս մասին հաղորդագրություն է տարածել «Քաղաքացիական պայմանագիր» կուսակցության մամուլի ծառայությունը։ 

Համաժողովի օրակարգում կլինեն հետևյալ հարցերը. 

1. Հաշվիչ հանձնաժողովի կազմի հաստատում։

2․  Բողոքարկման հանձնաժողովի կազմի հաստատում։ 

3․ ՔՊԿ Վարչության հաշվետվության ներկայացում և հաստատում։

4․ ՔՊԿ Վերահսկող հանձնաժողովի հաշվետվության ներկայացում և հաստատում։

5․ ՔՊԿ նոր խմբագրությամբ Կանոնադրության հաստատում։

6. ՔՊԿ նոր Ծրագրի ընդունում։ 

7․ ՔՊԿ Հռչակագրի ընդունում։

8. ՔՊԿ Վարչության և Վերահսկող հանձնաժողովի անդամների թիվը ու ընտրության կարգը, Վարչության նախագահի ընտրության կարգը սահմանելու մասին որոշման ընդունում։ 

9․ ՔՊԿ Վերահսկող հանձնաժողովի անդամների ընտրություն։

10. ՔՊԿ Վարչության անդամների և Վարչության նախագահի ընտրություն։