1 րոպեի ընթերցում
Պորտուգալիայի ֆուտբոլի ազգային թիմի գլխավոր մարզիչ Ռոբերտո Մարտինեսը մեծ հարգանք ունի Հայաստանի ազգային թիմի նկատմամբ:
«Մենք մեծ հարգանք ունենք Հայաստանի հավաքականի նկատմամբ: Տեսել եմ, թե ինչի է հասել Հայաստանի հավաքականի գլխավոր մարզիչն ակումբում, որտեղ նախկինում աշխատել է: Մեզ համար մեծ փորձություն է այստեղ խաղալն ու մեծ սպասելիքներ ունենք աշխարհի առաջնության ընտրական այս փուլից»,-«Արմենպրես»-ի հաղորդմամբ` լրագրողների հետ նախախաղային ասուլիսի ժամանակ ասաց Մարտինեսը:
Վերջինիս խոսքով` Հայաստանի ազգային թիմի հետ նախկինում ունեցած խաղերն այժմ կարևոր չեն, քանի որ այս մրցափուլը նոր է և կարիք չկա վերհիշել նախորդ հանդիպումները:
«Հայաստանի հավաքականին նոր ուժ կտա նոր մարզիչը: Մեզ համար բարդ կլինի մեկնարկային խաղում, քանի որ Ազգերի լիգան հաղթելուց հետո նոր մեկնարկները միշտ դժվար են լինում»,-առանձնացրեց Մարտինեսը:
Սեպտեմբերի 6-ին ազգային հավաքականը Վազգեն Սարգսյանի անվան «Հանրապետական» մարզադաշտում կընդունի Պորտուգալիային։ Հանդիպման մեկնարկը՝ ժամը 20։00-ին (Երևանի ժամանակով)։