Պակիստանը վերսկսել է փրկարարական աշխատանքները ջրհեղեղից տուժած տարածքներում․ զոհերի թիվը գերազանցում է 300-ը
1 րոպեի ընթերցում
Պակիստանի իշխանություններն օգոստոսի 18-ին վերսկսել են փրկարարական աշխատանքները երկրի հյուսիս-արևմուտքում, որտեղ հորդառատ անձրևների պատճառով ավելի քան 300 մարդ է զոհվել։ Ինչպես հաղորդում է «Արմենպրես»-ը, առատ տեղումների հետևանքով որոնողափրկարարական աշխատանքները մի քանի ժամով դադարեցվել էին։
Ուրբաթ օրը սկսված հորդառատ անձրևները մարդկային կյանքեր են խլել և ավերածությունների պատճառ դարձել երկրի հյուսիսային շրջաններում։
Անձրևից առաջացած սողանքները քշել են տներ, շենքեր, տրանսպորտային միջոցներ։
Երկրի ամենատուժած շրջանում՝ Բուներում մահացել է 200 մարդ։
«Մեր առաջնահերթությունն այժմ ճանապարհների մաքրումն է, կամուրջների կառուցումը և տուժածներին օգնություն հասցնելը», - Reuters-ին հայտնել է կառավարության տարածաշրջանայի պատասխանատու Աբիդ Վազիրը։
Տեղեկատվության նախարար Աթթաուլլահ Թարարը տեղական Geo News հեռուստաընկերությանը հայտնել է, որ տուժած շրջաններ օգնություն է ուղարկվել, որի մեջ ներառված են սնունդ, դեղորայք, վերմակներ, ճամբարներ, էլեկտրական գեներատոր և ջրահեռացման պոմպեր։