366.89
Հնագույն երաժշտության «Տաղարան» համույթը ելույթ կունենա Աթենքի կոնսերվատորիայում
1 րոպեի ընթերցում
Հունաստանում Հայաստանի Հանրապետության դեսպանատան նախաձեռնությամբ և ՀՀ կրթության, գիտության, մշակույթի և սպորտի նախարարության աջակցությամբ, հուլիսի 22-ին Աթենքի կոնսերվատորիայում կկայանա Կամերային երաժշտության ազգային կենտրոնի Հնագույն երաժշտության «Տաղարան» համույթի բացառիկ համերգը։
«Արմենպրես»-ի հաղորդմամբ՝ համերգը կղեկավարի համույթի գեղարվեստական ղեկավար, ՀՀ մշակույթի վաստակավոր գործիչ Սեդրակ Երկանյանը։
Ծրագրում՝ բարոկկո և հայկական երաժշտություն։
Միջոցառմանը ներկա կլինեն ՀՀ կրթության, գիտության, մշակույթի և սպորտի նախարար Ժաննա Անդրեասյանն ու Հունաստանի մշակույթի նախարար Լինա Մենդոնին։
Ողջույնի խոսքով հանդես կգա Հունաստանում Հայաստանի Հանրապետության դեսպան Տիգրան Մկրտչյանը։
Նախաձեռնությունը միտված է Հայաստան-Հունաստան մշակութային և կրթական կապերի խորացմանը։
Բաժանորդագրվեք մեր ալիքին Telegram-ում