1 րոպեի ընթերցում
Հարավային Կորեայում նախորդ շաբաթվանից սկսված սաստիկ անձրևների և սողանքների հետևանքով զոհվել է 18 մարդ, ևս 9-ը անհետ կորած է համարվում։ «Արմենպրես»-ի փոխանցմամբ՝ այս մասին հայտնում է Yonhap News-ը։
Ըստ Ներքին գործերի նախարարության՝ զոհերից 10-ը, ինչպես նաև 4 անհետ կորածներ գրանցվել են Սանչոնգի շրջանում։
Հուլիսի 16-ից սկսված սաստիկ անձրևներից հետո ավելի քան 14000 մարդ ապաստան է գտել 15 խոշոր քաղաքում և նահանգում։
Պետական օդերևութաբանական գործակալությունը կանխատեսել է, որ հուլիսի 21-ի առավոտյան Հարավային Ջոլլա և Հարավային Կյոնսանգ նահանգներում, ինչպես նաև Ջեջու հարավային կղզում առատ տեղումներ են սպասվում։