Ավտոբուսի վարորդը ստացել է հարվածներ. «Երևանի ավտոբուս» ընկերությունն անդրադարձել է հանրային տրանսպորտում տեղի ունեցած միջադեպին
2 րոպեի ընթերցում
«Երևանի ավտոբուս» ընկերության մամուլի խոսնակ Գեղամ Ասատրյանը «Ֆեյսբուք»-ի իր էջում կատարած գրառմամբ անդրադարձել է հանրային տրանսպորտում տեղի ունեցած միջադեպին, որի տեսանյութը տարածում է գտել համացանցում:
«Արմենպրես»-ի փոխանցմամբ՝ խոսնակը դեպքի մասին գրել է.
«Երեկ համացանցում տարածվել է հանրային տրանսպորտում նկարահանված մի տեսանյութ, որտեղ տղամարդ ուղևորը ենթադրյալ անպարկեշտ գործողություններ է կատարել կին ուղևորների նկատմամբ։
Դեպքը տեղի է ունեցել հուլիսի 15-ին ժամը 19։30-ի սահմաններում, թիվ 5 երթուղին սպասարկող տրանսպորտային միջոցում, Մաշտոցի պողոտա-Պուշկինի խաչմերուկ հատվածում։ Ավտոբուսի վարորդը, լսելով ուղևորների բարձրացրած աղմուկը, կանգնեցնում է տրանսպորտային միջոցը և ամոթանք տալով նշված գործողությունն իրականացրածին` վերջինիս և նրա հետ եղած մյուս տղամարդուն հորդորում է իջնել ավտոբուսից։
Այդ ընթացքում ավտոբուսի վարորդը ստացել է հարվածներ նշված տղամարդկանցից մեկի կողմից, սակայն երթևեկությունը չի շարունակել մինչև վերջիններիս չի իջեցրել ավտոբուսից»: