1 րոպեի ընթերցում
Wizz Air ավիաընկերությունը հայտարարել է Աբու Դաբի չվերթերը դադարեցնելու մասին, որպեսզի կենտրոնանա իր հիմնական՝ Արևելյան Եվրոպայի շուկայի վրա:
«Արմենպրես»-ի փոխանցմամբ՝ այս մասին հաղորդում է Reuters գործակալությունը:
Հունգարիայում հիմնադրված ավիաընկերությունը նախ իր գործունեությունն ընդլայնել էր Արևելյան Եվրոպայում, այնուհետև 2019 թվականին ուղղություն բացել դեպի Աբու Դաբի:
Սակայն հուլիսի 14-ին ավիաընկերությունը հայտարարել է, որ Մերձավոր Արևելքում աշխարհաքաղաքական անկայունությունը, օդային տարածքի հաճախակի փակումը ազդել են ուղևորությունների պահանջարկի վրա:
Ընկերությունը հայտնել է, որ վերջին տարիներին քիչ ներդրումներ էր անում կենտրոնական և արևելյան Եվրոպայի շուկայում, սակայն այժմ կշարունակի կենտրոնանալ հենց այդ շուկայի վրա: