TOON EXPO-ն կրկին վերադարձել է՝ այս անգամ ստեղծելով իրարանցում արդեն Մոսկվայում: Անշարժ գույքի ոլորտով հետաքրքրված քաղաքացիները՝ ռուսաստանաբնակ հայերը, Ռուսաստանի քաղաքացիները, երեք օր շարունակ հնարավորություն ունեն ծանոթանալու Հայաստանի անշարժ գույքի շուկային:

Ցուցահանդեսին ներկայացված է 50 տաղավար, սակայն ընկերությունները ներկայացել են մի քանի նախագծերով, բոլորը՝ միայն այդ 3 օրերի համար նախատեսված հատուկ առաջարկներով և զեղչերով։

Big Projects ընկերության համահիմնադիր, հանրային կապերի պատասխանատու Դիանա Հարոյանն «Արմենպրես»-ի հետ զրույցում նշեց, որ էքսպոյի շրջանակում ներկա է Ամերիաբանկը, որը ներկայացնելու է հատուկ սփյուռքի համար մշակված հիպոթեկային ծրագիր:

«Ուզում եմ շնորհակալություն հայտնել մեզ միացած բոլոր ընկերություններին, որոնք միանգամից հավատացին այս նախագծին: Երևանում մեր ձեռք բերած փորձը և համբավը թույլ է տալիս, որպեսզի մեր գործընկերները մեզ հետ շրջեն ամբողջ աշխարհով: Մոսկվայում այս ցուցահանդեսը իրականում շատ տրամաբանական շարունակությունն էր Երևանում արդեն շատ սիրված և սպասված TOON EXPO-ի, որը նաև սփյուռքից էր բերում այցելու Երևան: Այս քայլով մենք որոշեցինք ավելի հեշտացնել սփյուռքում ապրող մեր հայրենակիցների գործը և այս պահին Հայաստանում կառուցապատման ոլորտում իրականացվող նախագծերը մի քանի օրով «տեղափոխել» սփյուռք, ավելի հասանելի դարձնել մեր հայրենակիցներին : Ինչպես մենք ենք սիրում ասել՝ սա ներդրում է, որը ավելի կմոտեցնի տանը»,- ասաց Հարոյանը:

Այցելուները հնարավորություն ունեն ծանոթանալու ընկերությունների կողմից առաջարկվող նորարար ու հետաքրքիր լուծումներով բնակարաններին և կատարել առավել հարմար ընտրություն: Նման մեծ ընտրության հնարավորություն է ընձեռում RED Invest Group-ն՝ առաջարկելով կառուցապատման ոլորտում միանգամից մի քանի խոշոր նախագծեր:

Հետաքրքիր ու մի շարք ենթակառուցվածքներով հարուստ Goght Urban Valley նախագծն էլ Գառնի համայնքում առաջարկում է քաղաք՝ հենց քաղաքի մեջ:

Արդեն շատերի սիրելի ու նախընտրելի ձմեռային տուրիզմի վայր դարձած Myler Mountain Resort -ի նոր կառուցվող հանգստի գոտին էլ կամբողջացնի լեռնադահուկային ակտիվ հանգիստը:

Նորարարություն, հարմարավետություն և նոր ձևաչափ ARM Construct ընկերությունից . գործող չորս նախագծերը ցուցահանդեսի մասնակիցներին կտան ընտրության լայն հնարավորություն:

EXPO MOSCOW 2025-ին այցելուները հնարավորություն ունեն ծանոթանալու նաև Դուբայի անշարժ գույքի շուկային՝ Easylife Property ընկերության միջոցով:

Ցուցահանդեսն անցկացվում է Մոսկվայի Տիմիրյազև էքսպո կենտրոնում և բաց կլինի այցելուների համար մինչև հունիսի 29-ը:

TOON EXPO MOSCOW 2025-ը հնարավորություն է տալիս ծանոթանալու Հայաստանի անշարժ գույքի շուկային