Իրանը միջուկային զենքից զերծ տարածաշրջանի կողմնակից է. Մասուդ Փեզեշքիան

Իրանը միջուկային և, ընդհանրապես, զանգվածային ոչնչացման զենքից զերծ Մերձավոր Արևելքի կողմնակից է՝ պայմանով, որ նման զինատեսակներ չի ունենա նաև Իսրայելը։ «Արմենպրես»-ի հաղորդմամբ՝ այս մասին Իրանի նախագահ Մասուդ Փեզեշքիանը հայտարարել է իր եգիպտացի գործընկեր Աբդել Ֆաթահ աս-Սիսիի հետ զրույցի ընթացքում։

«Իրանը պատրաստ է համագործակցել տարածաշրջանում անվտանգության մակարդակի բարձրացման և կայունության ու խաղաղության ամրապնդման համար։ Մենք միջուկային զենքից և զանգվածային ոչնչացման զենքից զերծ տարածաշրջանի ստեղծման կողմնակից ենք, իհարկե, այն պայմանով, որ դա առնչվի նաև Իսրայելին, քանի որ այդ պետության վերջին գործողությունները նրան վստահելու որևէ հիմք չեն թողնում»,- Մասուդ Փեզեշքիանի խոսքերը փոխանցում է Իրանի նախագահի պաշտոնական կայքը։