2025 թվականի առաջին եռամսյակում տնտեսական ակտիվության ցուցանիշը Հայաստանում աճել է 4.1 տոկոսով
1 րոպեի ընթերցում
Հայաստանում ընթացիկ տարվա առաջին եռամսյակում տնտեսական ակտիվության ցուցանիշը 4.1 տոկոսով բարձր է եղել նախորդ տարվա նույն ժամանակահատվածի համեմատ:
«Արմենպրես»-ի հաղորդմամբ՝ այս մասին նշված է ՀՀ վիճակագրական կոմիտեի հրապարակած ամփոփագրում:
Մարտին՝ փետրվարի համեմատ, այս ցուցանիշն աճել է 11.9 տոկոսով: Նախորդ տարվա գարնան առաջին ամսվա համեմատ աճը 3.7 տոկոս է: Փետրվարին՝ հունվարի համեմատ, տնտեսական ակտիվության ցուցանիշն աճել է 5.8, իսկ նախորդ տարվա նույն ամսվա համեմատ՝ 1.8 տոկոսով:
Հունվարին՝ դեկտեմբերի համեմատ, այս ցուցանիշը նվազել է 45.3 տոկոսով, իսկ նախորդ տարվա հունվարի համեմատ աճել է 7.1 տոկոսով:
Նշվում է, որ տնտեսական ակտիվության ցուցանիշի գնահատականների սույն (ծրագրային) վերանայումները պայմանավորված են տարեկան ՀՆԱ-ի վերանայման ժամանակացույցով, ըստ որի 2023 թվականի հաշվետու տվյալներով և դրա հիման վրա 2024-ի վերանայված տվյալներով տարեկան ՀՆԱ-ում (առանց արտադրանքի զուտ հարկերի) տնտեսական գործունեության տեսակների կշիռները ենթարկվել են փոփոխությունների: