Եվրախորհրդարանի մի խումբ պատգամավորներ անդրադարձել են Հայոց ցեղասպանության 110-րդ տարելիցին

Եվրախորհրդարանի մի խումբ պատգամավորներ գրառումներ են կատարել իրենց սոցիալական հարթակներում՝ ոգեկոչելով Հայոց ցեղասպանության զոհերի հիշատակի 110-րդ տարելիցը։  

«Արմենպրես»-ի հաղորդմամբ՝ պատգամավորներն ու պաշտոնյաներն իրենց գրառումները տեղադրել են X-ի իրենց միկրոբլոգներում։

Եվրոպական խորհրդարանի պատգամավոր Նատալի Լուազոն գրել է, որ հայ ժողովրդի նկատմամբ իրականացված Ցեղասպանությունը ոգեկոչելը զոհերին հարգանքի տուրք մատուցելու, նրանց նահատակությունը չմոռանալու և հայ ժողովրդի՝ խաղաղության ու ապահովության մեջ ապրելու պարտավորությունն ապահովելու միջոց է: 

Commémorer le génocide commis contre le peuple arménien, c’est à la fois s’incliner devant les victimes, s’assurer que leur martyr ne soit pas oublié et s’engager à ce que le peuple arménien puisse vivre en paix et en sécurité. #24avril pic.twitter.com/4KEB6720fZ

— Nathalie Loiseau (@NathalieLoiseau) April 24, 2025

Եվրախորհրդարանի պատգամավոր Ժորդան Բարդելան, մասնավորապես, գրել է․ «Այսօր մենք ոգեկոչում ենք Հայոց ցեղասպանության 110-րդ տարելիցը։ Հարգանքի տուրք՝ Թուրքիայի կողմից իրականացված ջարդերի և բռնի տեղահանությունների զոհերին։ Այսօր իսլամիզմի նվաճումը շարունակում է սպառնալիք մնալ իրենց հողում հայերի շարունակական ներկայության համար: Ֆրանսիան և Եվրոպան պարտավոր են չհրաժարվել Հայաստանից և հայերից՝ ժողովրդավարական, քրիստոնեական և եվրոպական երկրից ու եղբայրական ու բարեկամ ժողովրդից»։

Nous commémorons aujourd'hui les 110 ans du génocide arménien. Hommage aux victimes des massacres et expulsions forcées, perpétrés par la Turquie.

Aujourd'hui, l'islamisme conquérant reste une menace pour le maintien des Arméniens sur leur terre. La France et l'Europe ont le…

— Jordan Bardella (@J_Bardella) April 24, 2025

ԵԽ պատգամավոր Լորան Կաստիլյոն իր հերթին հիշեցրել է, որ ապրիլի 24-ին աշխարհը ոգեկոչում է Հայոց ցեղասպանությունը, որի հետևանքով սպանվել են 1,5 միլիոն տղամարդիկ, կանայք և երեխաներ։ 

En ce 24 avril, nous commémorons le génocide arménien : 1,5 million d’hommes, de femmes et d’enfants assassinés.

110 ans après, l’Azerbaïdjan et la Turquie font peser une menace existentielle sur l’Arménie.

La France et l’Europe doivent se tenir aux côtés des Arméniens ! 🇫🇷🇦🇲

— Pr. Laurent Castillo (@PrLCastillo) April 24, 2025

«110 տարի անց Ադրբեջանն ու Թուրքիան գոյաբանական վտանգ են ներկայացնում Հայաստանի համար։ Ֆրանսիան և Եվրոպան պետք է կանգնեն հայերի կողքին»,-ընդգծել է ԵԽ պատգամավորը։

Եվրախորհրդարանի մեկ այլ ֆրանսիացի պատգամավոր Նիկոլա Բեյը գրել է, որ իր մտքերը հայ ժողովրդի հետ են, որը շարունակում է պայքարել իր գոյատևման համար․ «Հայաստանը, որը ես շատ եմ սիրում, կարող է հույս դնել մեր համերաշխության և մեր բարեկամության վրա»,- գրել է Բեյը։

🇦🇲 Nous commémorons aujourd’hui les 110 ans du génocide arménien.

Mes pensées à ce peuple martyr qui ne cesse de se battre pour sa survie. L’Arménie, que j’affectionne tant, peut compter sur notre solidarité et notre amitié. pic.twitter.com/Nx138gIgGW

— Nicolas Bay (@NicolasBay_) April 24, 2025

Պատգամավոր Ռայնհոլդ Լոպատկան ևս գրառում է կատարել՝ կից հրապարակելով նաև Բելգիայում Հայաստանի դեսպան և ԵՄ-ում ՀՀ ներկայացուցիչ Տիգրան Բալայանի հետ համատեղ լուսանկար։ Ավստրիացի պատգամավորն իր գրառման մեջ նշել է, որ 110 տարի առաջ 1,5 միլիոն մարդ հայկական ինքնության պատճառով կորցրել են իրենց կյանքը։  

Today we commemorate the 110th Anniversary of the Armenian Genocide, when 1.5 million #Armenians lost their lives—men, women, and children—targeted solely because of their identity.

Austria recognised the #ArmenianGenocide in 2015. The @Europarl_EN has done so as well. And yet,… pic.twitter.com/RrbJgixW12

— Reinhold Lopatka (@ReinholdLopatka) April 24, 2025

«Ավստրիան ճանաչել է Հայոց ցեղասպանությունը 2015 թվականին։ Եվ, այնուամենայնիվ, մենք դեռ տեսնում ենք պատմական փաստերի ժխտման և խեղաթյուրման փորձեր։ Այս վայրագությունները հիշելը ոչ միայն զոհերին հարգելու, այլև արդարության և ճշմարտության հանդեպ մեր հավատարմությունը վերահաստատելու հարց է»,-գրել է պատգամավորը՝ հավելելով, որ Եվրոպական խորհրդարանում իր վերջին ելույթում խոսել է Հայոց ցեղասպանության և խաղաղության, հաշտեցման և ապագայի համար աշխատելու կարևորության մասին։ 

Նիլս Ուշակովսը, որը ևս Եվրոպական խորհրդարանի անդամ է, ոգեկոչելով Հայոց ցեղասպանության 110-րդ տարելիցը, նշել է, որ անհրաժեշտ է կարգավորել հարաբերությունները Հայաստանի և Թուրքիայի միջև։  

On 24 April, we commemorate the victims of the Armenian genocide which started 110 years ago. Remembering and learning from the past, politicians have a duty to work for a better future. Time for Armenia-Türkiye normalisation to proceed.

This stamp serves as a historical… pic.twitter.com/cN9exm9LtC

— Nils Ušakovs (@nilsusakovs) April 24, 2025

«Հիշելով և դասեր քաղելով անցյալից՝ քաղաքական գործիչները պարտավոր են աշխատել ավելի լավ ապագայի համար։ Հայաստան-Թուրքիա հարաբերությունների կարգավորման ժամանակն է»,-գրել է պատգամավորը՝ կից հրապարակելով նաև մի նամականիշի լուսանկար, որն ինքն արել է 2015 թվականին Հայոց ցեղասպանության թանգարանում։ 

Ըստ Ուշակովսկի՝ այդ նամականիշը ծառայում է որպես Լատվիայի ժողովրդի ցուցաբերած համերաշխության պատմական վկայությունը, որը օգնություն է հավաքել 110 տարի առաջ տեղի ունեցած Ցեղասպանությունից տուժածների համար:

Եվրոպական խորհրդարանի պատգամավոր Մարիա Զախարիայի հայտարարության մեջ նշված է, որ 1915 թվականին Հայոց ցեղասպանությունը համաշխարհային պատմության ամենամռայլ էջերից մեկն է։ 

«Ճանաչումը, հիշողությունը և ճշմարտությունը միակ ճանապարհն են դեպի արդարություն և հաշտեցում։ Մենք չենք մոռանում անցյալը՝ ելնելով ոչ թե ատելությունից, այլ նրանց հանդեպ հարգանքից, որոնք կորցրեցին իրենց կյանքը։ Նաև ելնելով պատասխանատվությունից, որ նման հանցագործությունները երբեք չկրկնվեն։ Հիշողությունը դիմադրության և մարդկայնության գործողություն է»,-նշված է Մարիա Զախարիայի հայտարարության մեջ։