Իտալիայի գավաթի կիսաեզրափակիչ առաջին խաղում «Միլան»-ն ու «Ինտեր»-ը չպարզեցին հաղթողին

Իտալիայի ֆուտբոլի գավաթի խաղարկության կիսաեզրափակչի առաջին հանդիպմանը «Ինտեր»-ն արտագնա խաղում մրցեց «Միլան»-ի հետ:

«Արմենպրես»-ի հաղորդմամբ` «Միլան»-ին հաջողվեց առաջինը բացել հանդիպման հաշիվը երկրորդ կեսի մեկնարկին` 47-րդ րոպեին: Աչքի ընկավ Թեմի Աբրահամը: «Ինտեր»-ից հաշվի հավասարությունը վերականգնեց Հական Չալհանօղլուն՝ գոլը խփվեց 67-րդ րոպեին: Հանդիպումն ավարտվեց ոչ-ոքի` 1:1 հաշվով: 

Հայաստանի ֆուտբոլի ազգային թիմի նախկին ավագ Հենրիխ Մխիթարյանը «Ինտեր»-ի մեկնարկային կազմում չէր, սակայն փոխարինման մտավ 59-րդ րոպեին:

Թիմերի պատասխան հանդիպումը կկայանա ապրիլի 23-ին: