1 րոպեի ընթերցում
Հայաստանում կենսաթոշակային քարտերով անկանխիկ գնման դեպքում հետվճարի միջոցառման մեկնարկից՝ 2022 թվականի հուլիսի 1-ից ի վեր մինչև 2024-ի վերջ, կենսաթոշակային քարտերով կատարվել է ավելի քան 190.7 մլրդ դրամի անկանխիկ գործարք:
«Արմենպրես»-ի փոխանցմամբ՝ այս մասին ասաց Աշխատանքի և սոցիալական հարցերի նախարար Նարեկ Մկրտչյանը ԱԺ աշխատանքի և սոցիալական հարցերի մշտական հանձնաժողովում ՀՀ կառավարության ծրագրի (2021-2026 թթ.) 2024 թվականի կատարման ընթացքի և արդյունքների մասին զեկույցի ներկայացմանը:
Նախարարը հիշեցրեց, որ 2024թ-ին վերանայվել է անկանխիկ վճարումների դեպքում կենսաթոշակառուներին, նպաստառուներին հետվճար տրամադրելու միջոցառումը: Շահառուներին հնարավորություն է տրվել անկանխիկ վճարումներից ստանալ ավելի մեծ չափով հետվճար: Նախկինում կիրառվող 10 տոկոսի փոխարեն հետվճարը սահմանվել է 12 տոկոս, հետվճարի առավելագույն չափը 5000 դրամից դարձել է 6000 դրամ:
«Միջոցառման մեկնարկից մինչև 2024թ դեկտեմբերը ներառյալ կենսաթոշակային քարտով կատարվել է ավելի քան 190.7 մլրդ դրամի անկանխիկ գործարք»,-ասաց Նարեկ Մկրտչյանը: