ՄԻՊ աշխատակազմն իրավական խորհրդատվություն է տրամադրում և ուսումնասիրում ԶԼՄ-ների հրապարակումները՝ Գյումրիում և Փարաքարում ՏԻՄ ընտրությունների հետ կապված

Գյումրի և Փարաքար համայնքներում մարտի 30-ին տեղի ունեցող տեղական ինքնակառավարման մարմինների ընտրությունների օրը Հայաստանի մարդու իրավունքների պաշտպանի աշխատակազմն աշխատում է վաղ առավոտից։ «Արմենպրես»-ին այս մասին տեղեկացրին ՀՀ մարդու իրավունքների պաշտպանի աշխատակազմից։ 

«Շուրջօրյա գործում է նաև թեժ գիծը, որով քաղաքացիներին տրամադրվում է իրավական խորհրդատվություն:

Առանձին ուսումնասիրության են ենթարկվում զանգվածային լրատվության միջոցների հրապարակումները։

Ընտրական իրավունքի իրացման կամ ընտրական խախտումների վերաբերյալ բողոքները կարող եք ներկայացնել Մարդու իրավունքների պաշտպանի աշխատակազմ՝ շուրջօրյա անվճար գործող թեժ գծի հետևյալ հեռախոսահամարներով՝ 116 կամ (096) 116 100»,- ասվում է հաղորդագրության մեջ: