390.9
ԵՄ-ն դիտարկում է «Ազատություն» ռադիոկայանի ֆինանսավորումը ստանձնելու հարցը
2 րոպեի ընթերցում
Եվրամիությունը ուսումնասիրում է «Ազատություն» ռադիոկայանի ֆինանսավորումը ստանձնելու հնարավորությունը, սակայն դա ինքնաբերաբար տեղի չի ունենա:
Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին Բրյուսելում ԵՄ խորհրդի նիստին հաջորդած մամուլի ասուլիսում ասել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը։
«Կարո՞ղ ենք ֆինանսավորել և լրացնել ԱՄՆ-ի՝ ռադիոկայանի ֆինանսավորման կորստի բացը: Այս հարցի պատասխանը ավտոմատ չէ, քանի որ շատ կազմակերպություններ նույն խնդրով են մեզ դիմում: Բայց նախարարները պնդում էին, որ մենք քննարկենք դա և ելք գտնենք»,- նշել է նա:
Կալասը «Ազատություն» ռադիոկայանն անվանել է ժողովրդավարության փարոս և ափսոսանք հայտնել ֆինանսավորումը դադարեցնելու ԱՄՆ որոշման կապակցությամբ։
ԱՄՆ նախագահ Դոնալդ Թրամփը մարտի 14-ին գործադիր հրաման է ստորագրել՝ էականորեն կրճատելու ԱՄՆ կառավարության գլոբալ լրատվամիջոցների գործակալության գործունեության շրջանակը։ Գործակալությունը վերահսկում են «Ազատություն» և «Ամերիկայի ձայնը» ռադիոկայանները։
Շուտով լուրեր են տարածվել գործակալության նամակի վերաբերյալ, որում նշվել է ԱՄՆ կոնգրեսի կողմից հաստատված դրամաշնորհի դադարեցման մասին, որը ֆինանսավորում էր «Ազատություն» ռադիոկայանը: Լրագրողների պաշտպանության կոմիտեն կոչ է արել ԱՄՆ կոնգրեսի առաջնորդներին պաշտպանել գործակալությունը Թրամփի հրամանից։
Փետրվարին Իլոն Մասկը, որը ղեկավարում է ԱՄՆ կառավարության արդյունավետության գրասենյակը, ԱՄՆ կառավարությանը կոչ է արել դադարեցնել «Ազատություն» ռադիոկայանի և «Ամերիկայի ձայն» ռադիոկայանի ֆինանսավորումը:
Բաժանորդագրվեք մեր ալիքին Telegram-ում