1 րոպեի ընթերցում
Հացադուլ իրականացնող՝ «Ապրելու երկիր» կուսակցության համահիմնադիր Մանե Թանդիլյանը, ում ինքնազգացողությունը վատացել էր և նա տեղափոխվել էր հիվանդանոց, հրաժարվել է բժշկական միջամտությունից և վերադարձել Ազատության հրապարակ։
«Արմենպրես»–ի փոխանցմամբ՝ Թանդիլյանն այս մասին տեղեկացրել է «Ֆեյսբուք»–ի իր էջում:
«Նախ, ուզում եմ շնորհակալություն հայտնել բազմաթիվ զանգերի, նամակների համար, անհանգստանալով իմ առողջության համար։
Տեղեկացնեմ, որ այսօր առավոտյան ինքնազգացողությունս կտրուկ վատացել է, և տեղափոխվել եմ հիվանդանոց։ Բժիշկները հորդորել են դադարեցնել հացադուլը և իրականացնել համապատասխան բուժում։
Գոհունակությունս հայտնելով Թիվ 1 համալսարանական հիվանդանոցի անձնակազմին՝ գրավոր հրաժարվել եմ բժշկական միջամտությունից և վերադարձել Ազատության հրապարակ»,–գրել է Թանդիլյանը:
Նա ընդգծել է, որ իրընկերների խնդրանքը շարունակում է մնալ նույնը՝ ուղղված Ռուբեն Վարդանյանին՝ դադարեցնելու հացադուլը։
Մանե Թանդիլյանն արդեն հինգերրորդ օրն է, ինչ հացադուլ է հայտարարել՝ ի աջակցություն Բաքվում ապօրինի պահվող Լեռնային Ղարաբաղի նախկին պետական նախարար Ռուբեն Վարդանյանի և մյուս հայ գերիների: