Տարածաշրջանային ապաշրջափակման լուծումները պատկերացնում ենք փոխադարձության սկզբունքով. ՀՀ վարչապետ
1 րոպեի ընթերցում
Տարածաշրջանային ապաշրջափակման համատեքստում՝ Հայաստանի ինքնիշխանությունը, իրավազորությունը, տարածքային ամբողջականությունը չի կարող որևէ ձևով նսեմացվել կամ սահմանափակվել։
«Արմենպրես»-ի հաղորդմամբ՝ այս մասին լրագրողների հետ ճեպազրույցում ասել է ՀՀ վարչապետ Նիկոլ Փաշինյանը։
«Հայաստանի Հանրապետությունը երբեք ոչ գրավոր, ոչ բանավոր չի պարտավորվել,չի համաձայնվել, չի ընդունել, որ տարածաշրջանային ապաշրջափակման համատեքստում Հայաստանի ինքնիշխանությունը, իրավազորությունը, տարածքային ամբողջականությունը կարող է որևէ ձևով նսեմացվել կամ սահմանափակվել։ Սա ուզում եմ մենք հստակ արձանագրենք։ Այն լուծումները, որոնք առաջարկել ենք, մենք այդ լուծումները պատկերացնում ենք փոխադարձության սկզբունքով։ Ուզում եմ հիշենք՝ Հայաստանի երկաթուղային ցանցի ամբողջականությունը ապահովվում է Նախիջևանի տարածքով։ Այսինքն՝ այս համատեքստում պետք է ամբողջն ընկալենք»,-ասել է Փաշինյանը։