Օլիմպիական խաղերի կրկնակի արծաթե մեդալակիր, աշխարհի և Եվրոպայի չեմպիոն ծանրորդ Սիմոն Մարտիրոսյանը տոնում է ծննդյան օրը

Հայաստանի ծանրամարտի հավաքականի անդամ, Օլիմպիական խաղերի կրկնակի արծաթե մեդալակիր, աշխարհի և Եվրոպայի չեմպիոն Սիմոն Մարտիրոսյանը տոնում է ծննդյան օրը:

«Արմենպրես»-ի հաղորդմամբ` Սիմոն Մարտիրոսյանը ծնվել է 1997 թվականին` Արմավիրի մարզի Հայկաշեն համայնքում:

Սիմոն Մարտիրոսյանը աշխարհի առաջնությունների կրկնակի ոսկե մեդալակիր է (2018, 2019), Եվրոպայի առաջնություններին ոսկե մեդալակիր է դարձել 2017 և 2019 թվականներին:

Մարտիրոսյանը Ռիո-2016 Օլիմպիական խաղերի արծաթե մեդալակիր է, 2021 թվականին դարձել է Տոկիոյի Օլիմպիական խաղերի արծաթե մեդալակիր: 2014 թվականի պատանեկան Օլիմպիական խաղերի ոսկե մեդալակիր է:

«Արմենպրես»-ը շնորհավորում է հայ ծանրորդին` նորանոր հաջողություններ մաղթելով գալիք բոլոր մրցաշարերում: