«Աթենք» ընկերությունն արժանացել է «Վստահության վարկանիշ» մրցանակին

«Աթենք» մսամթերքի ընկերությունը արժանացել է Հայաստանի սպառողների ասոցիացիայի «Վստահության վարկանիշ» մրցանակին՝ դառնալով հայ սպառողների վստահության խորհրդանիշ։ 

Մրցանակը շնորհվում է սպառողների քվեարկության արդյունքներով՝ այն ընկերություններին, որոնք առանձնանում են բարձրորակ արտադրանքով, բարեխիղճ գործելաոճով և սպառողների նկատմամբ պատասխանատու վերաբերմունքով։  

«Համազգային վստահություն» մրցանակը սպառողների գնահատանքի և հավատարմության վկայությունն է, որն արտացոլում է ընկերության` տարիների անփոփոխ որակն ու նվիրվածությունը։ «Աթենք» ընկերությունն իր գործունեության ողջ ընթացքում մշտապես առաջնորդվել է որակի, նորարարության և սպառողների գոհունակության սկզբունքներով:  

Մսամթերքի ոլորտի առաջատար «Աթենք» ընկերությունը 2024 թվականի  արդյունքներով դարձել է սննդամթերքի արտադրության  ոլորտի ամենախոշոր հարկատուն՝  վճարելով  8․2 մլրդ դրամի հարկ կամ ոլորտի հարկերի շուրջ 19%-ը: