OpenAI-ի ղեկավարը կարեկցանք է հայտնել Մասկին

Ամերիկյան տեխնոլոգիական ընկերության՝ OpenAI-ի ղեկավար Սեմ Ալթմանը, հայտարարել է, որ ԱՄՆ պետական կառավարման արդյունավետության դեպարտամենտի (DOGE) ղեկավարն ու ձեռնարկատեր Իլոն Մասկը ողջ կյանքում իրեն անապահով է զգում և երջանիկ չի թվում։

Ինչպես հաղորդում է «Արմենպրես»-ը, վկայակոչելով  «ՌԻԱ Նովոստին», այս մասին Սեմ Ալթմանը  ասել է Bloomberg TV-ին տված հարցազրույցում:

Պատասխանելով հարցին, թե արդյոք Մասկի ցանկությունը՝ ձեռք բերել OpenAI-ի գործունեությունը վերահսկող ոչ առևտրային կազմակերպությունը,  պայմանավորված է իրեն պատկանող xAI-ի անորոշությամբ, Ալթմանը հայտարարել է. «Նա, ամենայն հավանականությամբ, ամբողջ կյանքում իրեն անվստահ է զգում։ Ես ցավում եմ նրա համար: Չեմ կարծում, որ նա երջանիկ մարդ է, ես իրոք ցավում եմ»;

Ավելի վաղ OpenAI-ի ղեկավարը մերժել էր ներդրողների կոնսորցիումի առաջարկը՝ ԱՄՆ Կառավարության արդյունավետության դեպարտամենտի (DOGE) ղեկավար և ձեռնարկատեր Իլոն Մասկի գլխավորությամբ, գնելու շահույթ չհետապնդող կազմակերպությունը, որը  վերահսկում է OpenAI-ն ։ Axios-ին տված հարցազրույցում Ալթմանը ակնարկել է, որ Մասկը ցանկանում է ձեռք բերել Open AI-ը, քանի որ նա հանդիսանում է ընկերության մրցակիցը և չի կարող հաղթել նրան շուկայում։