Իրանը մտադիր է ապավինել դիվանագիտությանը միջուկային ծրագրի հետ կապված հնարավոր խնդիրների դեպքում
1 րոպեի ընթերցում
Իրանի խաղաղ միջուկային ծրագիրը համապատասխանում է նրա միջազգային պարտավորություններին, և եթե դրա հետ կապված հնարավոր խնդիրներ առաջանան, Իսլամական Հանրապետությունը դրանք կլուծի դիվանագիտական ճանապարհով։
Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին հայտարարել է Աշխաբադում Իրանի դեսպան Ալի Մոջթաբ Ռուզբեհանին։
«Մեր խաղաղ միջուկային ծրագիրը, շնորհիվ Ատոմային էներգիայի միջազգային գործակալության հետ շարունակական համագործակցության, միշտ համահունչ է եղել միջազգային պարտավորություններին: Իրանի Իսլամական Հանրապետությունը նախընտրում է պահպանել բանակցություններն ու դիվանագիտությունը՝ որպես խաղաղ միջուկային ծրագրի հետ կապված հնարավոր խնդիրների լուծման միջոց»- ասել է նա՝ ելույթ ունենալով Իսլամական հեղափոխության հաղթանակի 46-րդ տարեդարձի կապակցությամբ դեսպանատան ընդունելությանը։