ԱՄՆ-ն և Ճապոնիան հաստատել են վիճելի կղզիների անվտանգությունը համատեղ ապահովելու պատրաստակամությունը
1 րոպեի ընթերցում
ԱՄՆ-ն և Ճապոնիան հաստատել են, որ փոխադարձ համագործակցության և անվտանգության մասին երկկողմ պայմանագրի համաձայն պատրաստ են համատեղ ապահովել Սենկակու (Դյաոյույդաո) վիճելի կղզիների անվտանգությունը:
«Արմենպրես»-ի հաղորդմամբ՝ այս մասին հայտնում «Ինտերֆաքսը»-ը՝ ընդգծելով, որ այս մասին նշված է ԱՄՆ նախագահ Դոնալդ Թրամփի և Ճապոնիայի վարչապետ Սիգերու Իսիբայի՝ Վաշինգտոնում կայացած բանակցություններից հետո համատեղ հայտարարության մեջ:
«Առաջնորդները վերահաստատել են, որ պայմանագրի 5-րդ հոդվածը վերաբերում է Սենկակու կղզիներին»,-նշված է հայտարարության մեջ:
Ըստ աղբյուրի՝ այս հոդվածը նախատեսում է, որ կողմերից յուրաքանչյուրը դաշնակցի դեմ ցանկացած ռազմական ագրեսիա համարում է սպառնալիք իր ազգային անվտանգության համար: