1 րոպեի ընթերցում
Լեհաստանը չի ընդունի նոր միգրանտներ և չի վճարի Եվրամիության կողմից սահմանված տուգանքները։ Ինչպես տեղեկացնում է «Արմենպրես»-ը՝ վկայակոչելով «Lenta.ru»-ն, այդ մասին հայտարարել է Լեհաստանի ներքին գործերի նախարար Տոմաշ Սեմոնյակը։
«Մենք չենք համաձայնի մեկ ներգաղթյալ տեղափոխել Լեհաստան և տուգանքներ վճարել նրանց չընդունելու համար», - ասել է ՆԳՆ ղեկավարը։
Սեմոնյակի խոսքով՝ Վարշավան հստակ նշում է, որ չի ընդունի փախստականներին, ինչպես նաև միգրացիոն պայմանագրի միանշանակ հակառակորդն է։ Պակտը նախատեսում է ոչ միայն ԵՄ երկրներին ապաստան տրամադրել միգրանտների համար, այլև 20 հազար եվրո տուգանք վճարել յուրաքանչյուր մերժված փախստականի համար։