1 րոպեի ընթերցում
Եվրամիությունը ստիպված կլինի նույն կերպ արձագանքել ԱՄՆ-ի կողմից մաքսատուրքերի ներդրմանը։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է Լեհաստանի վարչապետ Դոնալդ Տուսկը։
ԱՄՆ-ի նախագահ Դոնալդ Թրամփը փետրվարի 1-ին հայտարարեց, որ ԵՄ ապրանքների ներմուծման մաքսատուրքեր կսահմանի, քանի որ Բրյուսելը «սարսափելի» վերաբերմունք է ցուցաբերում Վաշինգտոնի նկատմամբ։ Եվրահանձնաժողովից ասել են, որ Եվրամիությունը տվյալներ չունի այն մասին, որ Միացյալ Նահանգները լրացուցիչ մաքսատուրքեր է սահմանում եվրոպական ապրանքների վրա, սակայն պատրաստ է վճռականորեն արձագանքել, եթե դրանք ներմուծվեն։
«ԱՄՆ-ն մեր բարեկամն է: Ոչ մի ագրեսիա, ոչ մի ավելորդ ժեստ, բայց մենք պետք է հարգենք ինքներս մեզ և պետք է համարժեք արձագանքենք: Եթե Վաշինգտոնի վարչակազմը կարծում է, որ մաքսային արգելքները անհրաժեշտ են, ես, անկեղծ ասած, չեմ հավատում դրան, բայց եթե նրանք որոշեն դա անել, ապա Եվրամիությունը պետք է նման կերպ արձագանքի», - ասել է Տուսկը:
ԵՄ-ն մտավախություն ունի, որ Թրամփը կվերադառնա պրոտեկցիոնիստական քաղաքականությանը և կրկին կբարձրացնի Եվրամիության ապրանքների մաքսատուրքերը: