2023 թվականին ՀՀ-ում գրանցվել է գիտական հրապարակումների պատմականորեն ամենամեծ ծավալը միջազգային հեղինակավոր պարբերականներում
1 րոպեի ընթերցում
2023 թվականին Հայաստանում գրանցվել է գիտական հրապարակումների պատմականորեն ամենամեծ ծավալը միջազգային հեղինակավոր պարբերականներում։
«Արմենպրես»-ի հաղորդմամբ՝ այս մասին կառավարության նիստի ժամանակ հայտարարեց ԿԳՄՍ նախարար Ժաննա Անդրեասյանը։
«Մեր տվյալները ցույց են տալիս, որ Հայաստանի գիտնականների հրապարակումները տարեցտարի ավելանում են։ Մասնավորապես, 2023 թվականի արդյունքներով մենք գրանցել ենք պատմականորեն ամենամեծ ծավալով գիտական հրապարակումները միջազգային հեղինակավոր պարբերականներում»,- ասաց Անդրեասյանը։
Նախարարի խոսքով՝ գիտական հրապարակումների ծավալը տարեցտարի ավելանում է, ինչը վկայում է ոլորտում իրականացվող համալիր քաղաքականության արդյունավետության մասին։