Ասիայում մեկնարկել են Լուսնային նոր տարվա տոնախմբությունները

Ասիայի տարբեր երկրներում տոնում են Լուսնային նոր տարին, որով մեկնարկում է Օձի տարին։ Միլիոնավոր մարդիկ Չինաստանում, Կորեայում, Վիետնամում, Թաիլանդում և ասիական այլ երկրներում այս տոնը նշում են ընտանիքի և ընկերների հետ։ «Արմենպրես»-ի փոխանցմամբ՝ այս մասին հաղորդում է BBC-ն։ 

Լուսնային նոր տարին համընկնում է լուսնային օրացույցով առաջին նորալուսնի հետ։ 15 օր տևող տոնախմբությունն այս տարի սկսվում է հունվարի 29-ին։ 

Տոնախմբության առաջին երկու օրերը ընտանիքի անդամները և ընկերները հավաքվում են ճաշկերույթի, միմյանց նվերներ են մատուցում։ 

Xinhua գործակալությունը հաղորդում է, որ տոնի նախօրեին Չինաստանում 200 միլիոնից ավելի մարդ միջմարզային ուղևորության է մեկնել։