1 րոպեի ընթերցում
Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը հայտարարել է, որ Բրյուսելը գազ գնելու և տեղափոխելու համար 30 միլիոն եվրո կտրամադրի Մոլդովային:
«Արմենպրես»-ի փոխանցմամբ՝ այս մասին ԵՄ դիվանագիտության ղեկավարը նշել է X-իր միկրոբլոգում կատարած գրառման մեջ:
«Կրեմլն էներգիան օգտագործում է Մոլդովայի ժողովրդին շանտաժի ենթարկելու համար: Սա սարսափելի է, թեև զարմանալի չէ:
Եվրոպական միությունը 30 մլն եվրո կտրամադրի Մոլդովային՝ օգնելու գնել և ազգային գազ տեղափոխել իր բնակչությանը»,-իր գրառման մեջ նշել է Կալասը՝ ընդգծելով, որ անհրաժեշտության դեպքում ԵՄ-ն միշտ կաջակցի իր ընկերներին և դաշնակիցներին: