Սուսաննա Գաբոյանը 4-րդ անգամ դարձավ Հայաստանի շախմատի չեմպիոն

Հայաստանի շախմատի կանանց 80-րդ առաջնության չեմպիոնը հայտնի է:

«Արմենպրես»-ի հաղորդմամբ` Տիգրան Պետրոսյանի անվան շախմատի տանը կայացած կանանց առաջնության վերջին տուրում Սուսաննա Գաբոյանը սև խաղաքարերով մրցեց Լիլիա Դանիելյանի հետ և առավելության հասավ: Գաբոյանը վաստակեց 7 միավոր և նվաճեց երկրի չեմպիոնի կոչումը:

Սուսաննա Գաբոյանը Հայաստանի չեմպիոն էր դարձել նաև 2015, 2021, 2024 թվականներին: