1 րոպեի ընթերցում
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Իսպանիայի ֆուտբոլի Սուպերգավաթի այս տարվա հաղթողը կատալոնական «Բարսելոնա»-ն է:
«Արմենպրես»-ի հաղորդմամբ` Սուպերգավաթի եզրափակիչում մրցեցին Մադրիդի «Ռեալ»-ը և կատալոնական «Բարսելոնա»-ն:
«Կապտանռնագույններին» հաջողվեց առավելության հասնել 2:5 հաշվով: «Ռեալ»-ի կազմում աչքի ընկան Կիլիան Մբապեն ու Ռոդրիգոն, իսկ «Բարսելոնա»-ից աչքի ընկան Լամին Յամալը, Ռոբերտ Լևանդովսկին, Ռաֆինյան ու Ալեքս Բալդեն: Ռաֆինյան դարձավ դուբլի հեղինակ։
«Բարսելոնա»-ն պատմության մեջ 15-րդ անգամ տիրացավ Իսպանիայի Սուպերգավաթին: