Հայաստանի նախագահը ցավակցել է Գերմանիայի Մագդեբուրգ քաղաքում տեղի ունեցած ողբերգության կապակցությամբ
1 րոպեի ընթերցում
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի նախագահ Վահագն Խաչատուրյանը ցավակցություն է հայտնել Գերմանիայի Մագդեբուրգ քաղաքում տեղի ունեցած ողբերգության կապակցությամբ:
«Արմենպրես»-ի հաղորդմամբ՝ նախագահն այս մասին գրառում է արել X–ի իր միկրոբլոգում:
«Խորապես վշտացած եմ Մագդեբուրգի սուրբծննդյան տոնավաճառում տեղի ունեցած ողբերգական իրադարձությունների պատճառով: Մեր խորին ցավակցություններն ենք հայտնում զոհերին, նրանց ընտանիքներին և բոլոր նրանց, ովքեր տուժել են այս սարսափելի գործողությունից»,–գրել է Խաչատուրյանը: