2 րոպեի ընթերցում
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ։ ԱՄՆ պետքարտուղար Էնթոնի Բլիքենն Անկարայում Թուրքիայի վարչապետ Հաքան Ֆիդանի հետ հանդիպման ժամանակ քննարկել է Սիրիայում վերջին զարգացումները: «Արմենպրես»-ի փոխանցմամբ՝ այս մասին հաղորդագրություն է տարածել ԱՄՆ պետքարտուղարությունը։
Ինչպես դեկտեմբերի 12-ին Թուրքիայի նախագահ Ռեջեփ Թայիփ Էրդողանի հետ կայացած հանդիպման ժամանակ, այս հանդիպմանը ևս Բլինքենը վերահաստատել է ԱՄՆ-ի աջակցությունը սիրիացիների գլխավորությամբ և սիրիացիների մասնակցությամբ քաղաքական անցմանը՝ ունենալու «հաշվետու և ներառական կառավարություն»:
«Նա կրկնել է Սիրիայում բոլոր դերակատարների կողմից բոլոր սիրիացիների, այդ թվում, փոքրամասնությունների մարդու իրավունքները և հիմնարար ազատությունները հարգելու կոչերը, ինչպես նաև կոչը՝ թույլ չտալու, որ Սիրիան օգտագործվի որպես ահաբեկչության հենակետ», - նշված է հայտարարության մեջ։
Երկու երկրների արտաքին գերատեսչությունների ղեկավարները նաև քննարկել են Գազայի հատվածում հրադադարի հասնելուն և պատանդներին ազատ արձակելուն ուղղված վերջին ջանքերը։
Ավելի վաղ Էնթոնի Բլինքենը հանդիպում էր ունեցել Թուրքիայի նախագահ Ռեջեփ Թայիփ Էրդողանի հետ։