396.99
Եղանակային վատ պայմանների պատճառով «Զվարթնոց» օդանավակայանում չեղարկվել են Աթենքից, Վարշավայից և Վիեննայից ժամանող չվերթերը
1 րոպեի ընթերցում
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Դեկտեմբերի 13-ի գիշերվանից սկսած եղանակային պայմանների պատճառով «Զվարթնոց» միջազգային օդանավակայանում կան չեղարկված և ուշացած չվերթեր:
«Արմենպրես»-ի հետ զրույցում այս մասին հայտնեց «Զվարթնոց» օդանավակայանի մամուլի խոսնակ Լուսինե Մողրովյանը՝ նշելով, որ չեղարկումների պատճառը վատ եղանակային պայմաններն են՝ խիտ մառախուղն ու ցածր տեսանելիությունը:
«Չեղարկվել են Աթենքից, Վարշավայից և Վիեննայից ժամանող չվերթերը, որոնք վայրէջք են կատարել Թբիլիսիում: Մոսկվայից ժամանող մեկ չվերթ վայրէջք է կատարել Մախաչկալայի օդանավակայանում, մյուսը՝ Նիժնի Նովգորոդում:
Ուշացումով կլինի չորս չվերթ`Մոսկվայից, և մեկը՝ Մինվոդիից: Ներկա պահին չվերթի են պատրաստվում դեպի Քիշնև և Լառնակա ուղևորվող օդանավերը, որոնք սպասում են եղանակի կարգավորմանը»,-նշեց օդանավակայանի մամուլի խոսնակը:
Բաժանորդագրվեք մեր ալիքին Telegram-ում