1 րոպեի ընթերցում
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ։ Երևանի Գումի շուկայում Սննդամթերքի անվտանգության տեսչական մարմնի կողմից անցկացված ստուգումների ընթացքում տեղի ունեցած միջադեպի հետևանքով կան բերման ենթարկվածներ։
«Արմենպրես»-ի հետ զրույցում այս մասին հայտնեց Ներքին գործերի նախարարության խոսնակ Նարեկ Սարգսյանը՝ մանրամասնելով, որ անցկացված ստուգումների ընթացքում ոստիկանության աշխատակիցները պարզապես ապահովել են հասարակական կարգը։
ՆԳՆ խոսնակը նաև հավելեց, որ բերման ենթարկվածների թվաքանակի վերաբերյալ կտրվի հավելյալ տեղեկատվություն։
Ավելի վաղ, համացանցում ոստիկանների և մսի տաղավարի աշխատակիցների մասնակցությամբ բախման տեսանյութ էր տարածվել։