Դեյվիդ Ալենը ներկա է գտնվել ԱՄՆ պաշտպանության դեպարտամենտի աջակցությամբ Լոռու մարզում իրականացված նախագծերի ամփոփիչ միջոցառմանը
1 րոպեի ընթերցում
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանի Հանրապետությունում ԱՄՆ գործերի ժամանակավոր հավատարմատար Դեյվիդ Ալենը հայ գործընկերների հետ ներկա է գտնվել ԱՄՆ պաշտպանության դեպարտամենտի աջակցությամբ Լոռու մարզում իրականացված երկու նախագծերի ամփոփիչ միջոցառմանը։
Ինչպես «Արմենպրես»-ը տեղեկանում է ԱՄՆ դեսպանության տարածած հաղորդագրությունից, նախագծերի շնորհիվ ապահովվել է խմելու ջրի հասանելիություն մարզի ավելի քան 5000 բնակչի համար։ Նախաձեռնությունների իրականացմանն ուղղվել է ավելի քան 400․000 ԱՄՆ դոլար։