ԱԺ պատգամավորները կմասնակցեն ԵԽԽՎ Արհեստական բանականության և մարդու իրավունքների ենթահանձնաժողովի նիստին

ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ:Ազգային ժողովի պետաիրավական հարցերի մշտական հանձնաժողովի նախագահ Վլադիմիր Վարդանյանն ու «Քաղաքացիական պայմանագիր» խմբակցության պատգամավոր Արուսյակ Ջուլհակյանը կգործուղվեն Ժնև: 

«Արմենպրես»-ն այս մասին տեղեկացավ ԱԺ նախագահի կարգադրությունից: 

Պատգամավորները Ժնեւ (Շվեյցարիայի Համադաշնություն) կգործուղվեն նոյեմբերի 17-20-ը ՝ մասնակցելու Եվրոպայի խորհրդի խորհրդարանական վեհաժողովի (ԵԽԽՎ) Արհեստական բանականության եւ մարդու իրավունքների ենթահանձնաժողովի նիստին: