Հայոց ցեղասպանության միջազգային ճանաչման գործընթացն ԱԳՆ-ի թիվ մեկ առաջնահերթությունը չէ․ Միրզոյան
1 րոպեի ընթերցում
ԵՐԵՎԱՆ, 31 ՀՈԿՏԵՄԲԵՐԻ,ԱՐՄԵՆՊՐԵՍ։ Հայոց ցեղասպանության միջազգային ճանաչման գործընթացը Հայաստանի արտաքին գործերի նախարարության առաջնահերթությունը չէ։
«Արմենպրես»-ի հաղորդմամբ՝ Ազգային ժողովի մշտական հանձնաժողովների համատեղ նիստում «Հայաստանի Հանրապետության 2025 թվականի պետական բյուջեի մասին» ՀՀ օրենքի նախագծի քննարկման ժամանակ այս մասին ասաց ՀՀ արտաքին գործերի նախարար Արարատ Միրզոյանը։
«Հայոց ցեղասպանության միջազգային ճանաչման գործընթացը մեր թիվ մեկ առաջնահերթությունը չէ։ Հայոց ցեղասպանությունը, ողբերգական պատմության անցքերը ուսումնասիրելը թիվ մեկ առաջնահերթություն դարձնելն, անշուշտ, արտաքին գործերի նախարարության օրակարգ չէ»,- ասաց Միրզոյանը։