ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Լոռու մարզի Ստեփանավան քաղաքի կամրջի շրջանցիկ ճանապարհի 2-րդ կմ-ին` սեպտեմբերի 18-ին, ժամը 10։00-ին, և Վանաձոր-Ալավերդի ավտոճանապարհի 29-րդ կմ-ին` ժամը 12։00-ին, հնարավոր վտանգները նվազեցնելու նպատակով ՀՀ ՆԳՆ փրկարար ծառայության Լոռու մարզային փրկարարական վարչության Գուգարքի և Ստեփանավանի հրշեջ-փրկարարական ջոկատների ծառայողներն իրականացնելու են հարկադիր քարաթափման աշխատանքներ:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, աշխատանքներին օժանդակելու են նաև ՀՀ ՆԳՆ Ոստիկանության Լոռու պարեկային ծառայության ծառայողները։
ՀՀ ՆԳՆ փրկարար ծառայություն նշված ճանապարհահատվածներին հարակից բնակավայրերի բնակիչներին և վարորդներին խնդրում է չանհանգստանալ։