Արմեն Աշոտյանի խափանման միջոցը փոխարինվել է տնային կալանքով՝ 25 մլն դրամ գրավի կիրառմամբ
1 րոպեի ընթերցում
![Արմեն Աշոտյանի խափանման միջոցը փոխարինվել է տնային կալանքով՝ 25 մլն դրամ գրավի կիրառմամբ](http://armenpress.am/resized/480/storage/images/articles/2024/09/10/Kj5k9XhBurf8uZuOuUIZs1h0GTb8N875Ld7yF0xI.webp)
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետական կուսակցության փոխնախագահ Արմեն Աշոտյանի խափանման միջոցը փոխարինվել է տնային կալանքով՝ 25 մլն դրամ գրավի կիրառմամբ։
«Արմենպրես»-ի հաղորդմամբ՝ դատարանի որոշման մասին իր Ֆեյսբուքյան էջում տեսանյութով հայտնել է Աշոտյանի փաստաբան Ռուբեն Մելիքյանը:
Արմեն Աշոտյանը կալանավորվել էր 2023 թվականի հունիսին քննչական կոմիտեի հատկապես կարևոր գործերի քննության գլխավոր վարչությունում քննվող՝ «Երևանի Մխիթար Հերացու անվան պետական բժշկական համալսարան» հիմնադրամում կատարված առերևույթ չարաշահումներին վերաբերող քրեական վարույթի շրջանակներում՝ խափանման միջոցի պայմանները խախտելու հիմքով։
Արմեն Աշոտյանը մեղադրվում է պաշտոնեական դիրքի չարաշահման և փողերի լվացման համար, որն առաջացրել է ծանր հետևանքներ։