Պայթեցման աշխատանքներ՝ Աղձք բնակավայրի հարակից հատվածում
1 րոպեի ընթերցում
![Պայթեցման աշխատանքներ՝ Աղձք բնակավայրի հարակից հատվածում](http://armenpress.am/resized/480/storage/images/articles/2024/09/10/EvQJZMjK2au6JID7DwBsXoKDXgooTLi2mRpWOhMt.webp)
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Հյուսիս-հարավի Տրանշ-2-ի Ագարակի հնագիտական վայրը շրջանցող մոտ 8կմ երկարությամբ ճանապարհի կառուցման աշխատանքներով պայմանավորված՝ սեպտեմբերի 11-ին և 12-ին՝ ժամը 12։00-14։00-ի սահմաններում‚ Մ-1 միջպետական ճանապարհի՝ Աղձք բնակավայրի հարակից հատվածում իրականացվելու են պայթեցման աշխատանքներ:
«Արմենպրես»-ի փոխանցմամբ՝ այս մասին հաղորդագրություն է տարածել «Ճանապարհային դեպարտամենտ» հիմնադրամը՝ նշելով, որ տարածքը գտնվում է անվտանգության գոտուց դուրս‚ ճանապարհը փակելու կարիք չկա։
Հիմնադրամը բնակչությանը հորդորում է չանհանգստանալ։